Jai & Veeru Discussion on Burning Rooftop

Veeru: Arre O Jai… yeh chhat hai ya Gabbar ka tandoor? Pair rakho toh lagta hai pakoda ban jaayega!

Jai: Tumhara problem pata hai kya hai, Veeru?

Veeru: Kya?

Jai: Tum garmi se ladte ho… samajhte nahin ho.

Veeru: Abe professor sahab, garmi ko samjhun ya jaan bachaaun? Neeche kamra bhi bhatti bana hua hai. Raat ko bhi neend nahin aati.

Jai: Kyunki yeh chhat din bhar dhoop khaati rehti hai. Poora cement garam ho jaata hai.

Veeru: Toh insulation lagwa diya na logon ne andar.

Jai: Haan… lekin woh sirf garmi ko dheere andar aane deta hai.

Veeru: Matlab?

Jai: Matlab… chor ko ghar mein ghusne do… phir usko drawing room mein rokne ki koshish karo.

Veeru: Oho! Toh asli kaam toh usko gate pe rokna hai!

Jai: Bilkul.

Veeru: Arre wah Jai! Tum toh engineering ke Thakur nikle!

Jai: Samjho… dhoop seedha chhat pe padti hai. Chhat 60 degree tak garam ho jaati hai. Phir raat bhar stored heat neeche chhodti rehti hai.

Veeru: Isiliye raat ko bhi lagta hai Gabbar kambal odh ke paas baitha hai!

Jai: Exactly.

Veeru: Toh karna kya chahiye?

Jai: Dhoop ko absorb hi mat hone do. Reflect kar do.

Veeru: Jaise Basanti mujhe dekh ke ignore kar deti hai?

Jai: Usse bhi zyada efficiently.

Veeru: Accha toh tum keh rahe ho…agar chhat kam garam hogi… toh kamra bhi kam garam hoga?

Jai: Aur AC bhi kam chalega.

Veeru: Bijli ka bill bhi kam?

Jai: Haan.

Veeru: Arre O Sambhaaa! Kitna bill bachega re?

Jai: Jo reflective insulation lagayega… uska kaafi bachega.

Veeru: Wah Jai wah!Pehle log sochte the insulation matlab garmi ko andar aane se dheere karo…tum keh rahe ho pehle chhat ko hi cool rakho.

Jai: Yahi asli baat hai.

Veeru: Matlab…“Jo garmi andar hi na aaye… usse ladna hi nahin padta.”

Jai: Tum kabse intelligent baatein karne lage?

Veeru: Jabse chhat pe baith ke mera dimag fry hona shuru hua hai.

*************************************************************************************************

Morale of the story: Kabhi kabhi building ko thanda rakhne ka sabse achha tareeka AC badhana nahin… balki dhoop ko chhat tak hi rok dena hota hai."